Òdroda 8 (29) 2003

Łużëczanów corôz mni a szkòła zamkłô

Czë to bëła dobrô wòlô urzãdowników? Serbołużëckô strzédnô szkòła w Chróscëcach (Crostwitz) kòl Bùdzëszëna òsta zamkłô. Òstôł zlikwidowóny symbòl nôrodny juwernotë. Szkòła miała wnetka stolatną tradicją. Bëło tam ùczoné w serbòłużëcczim jãzëkù, a òsoblëwi akceńt bëł pòłożony na słowiańską kùlturã. Leżnoscą do zamkniãcô szkòłë bëła dlô miemiecczich urzãdowników mało lëczba ùczonëch dzôtków ë téż zgłoszeniów dzecy na przińdny, szkòłowi rok. Le czë blós? Miemieccze rząd równak uznôwô Serbòłużëczanów za nôrodną miészëznã (kòl 60 tës. lëdzy), ë zagwësniwô ji specjalną òbarńią ë téż finansowi wspiarcé. Serbòłużëczanie cwierdzą pòdobno, że nadóné jima prawa są niejasno òkresloné i bez to miemiecczi urzãdownicë jinterpretują je pò swòjimù. Je wiedzec téż, że miészëznë nie mòżna pòrëchòwac pòdług miarë wiãkszoscë. Òswiatowé prawò dôwô mòżlëwòtë dlô miészëznów, le jich nie zagwësniwô.

Tak tej wszëtkò zanôlégô òd dobri wòlë ùrzãdowników!!!

Czë na Kaszëbach mòżemë miec pòdobny tôczël w przińdnoscë?

(ab)