Serbske Nowiny 26.06.2003

Chrósčansku šulu doskónčnje zawru

Chrósćicy (SN). Z faxom je sakske kultusowe ministerstwo wčera Chrósčanskej gmejnje zdźěliło, zo so tamniša serbska srjedźna šula z nowym šulskim lětom 2003/2004 doskónčnje zawrje. Dźensa su šulerjo a starši wo tym zhonili. "Gmejna pak chce wo swojej zapodatej próstwje nastupajo jednolětne podlěšenje Chrósčanskeho stejnišća z kultusowym ministerstwom dale jednać. Prócuju so wo termin w Drježdźanach", rjekny Chrósčanski wjesnjanosta Maćij Brycka dźensa SN. Při wšěm pak měli so starši a šulerjo přichodneho 8., 9. a 10. lětnika hižo nětko rossudźić, hač póńdu do Ralbičanskeje abo do Worklečanskeje sredźneje šule. K tomu předsyda Domowiny Jan Nuk: "To je narodna tragedija. Podpěrujemy kóždeho, kiž přećiwo tutomu rozsudej skorži."