Serbske Nowiny 29.07.2003

Bój wo Chrósčansku srjedźnu šulu:

Dale w mjezynarodnym swĕtle

Budyšin (SN/BD). Kritika w zwisku ze zawrjenjom Serbskeje srjedźneje šule w Chrosćicach, na kotrymž z pomocu wjacorych serbskich wjesnjanostow politiscy zaniołwići w Drježdźanach a Kamjencu dale wobstawaja, w šĕršej mjezynarodnej zjawnosći njewotebĕra. Nawopak, zašły pjatk na přikład wozjewi nahladna a po cyłej Polskej wuchadźaca nowina Rzeczpospolita wobščrny a derje rešerśowany přinošk pod prašenjom "Što bjerje nam dušu?" k tutej naležnosći. Wnim so Piotr Zychowicz wotrje rozestaja z pro blematiku a wuznamom tuteje šule za wšo serbstwo. Redaktor nowiny při tym na to skedźbnja, zo runje we Łužicy knježi wulka bjezdźĕłnosć, štož rozsydlenje ludnosće a z tym serbskeho ludu prisporja. Mjez druhimi medijemi Europy pisachu zańdźene dny wo mizerje serbskeho šulstwa w Sakskej dale wšočĕski dźenik Mladá fronta dnes kaž tež Nasza polonia, časopis Polakow w Nižozemskej. Tydźenik Slowakow w Madźarskej L'udové noviny tohorunja wo konfliktach serbskeho šulstwa w Sakskej rozprawješe; zdobom wozjewi časopis wuchwalowacy prinošk wo folklornym festiwalu z mnohimi fotami.

W čĕskim Hradeku nad Nisou warnowaše mjeztym Zjednoćenstwo wobydlerjow třoch krajow, kotrež tohorunja procowanja Domowiny a Serbow wo zachowanje Chrosčanskeje srjedźneje šule podpĕruje, před zwjeršnym politizowanjom poprawom "kulturneho problema". Wosebje politikarjo su namołwjeni, rozestajenje wo přichod serbskich šulow njewjesć jako stronskopolitisku naležnosć, rĕka we wozjewjenju.