|
|
Serbske Nowiny 28.07.2003
Wjesnjanosća serbskich gmejnow:
Ani tři srjedźne šule móžne
Pančicy-Kukow (SN/BD). Wjesnjanosća sobustawskich gmejnow zarjadniskeho zwjazka "Při Klošterskej wodźe" njewidźa hižo phchod ani za tři serbske srjedźne šule na swojim teritoriju. Maćij Brycka, Franc Brusk, Tomaš Čornak, Franc Pjetaš, Hubertus Ryćer kaž tež predsyda zarjadniskeho zwjazka Alfons Ryćer (wšitcy CDU) mĕnja we wozjewjenju, publikowanym zašlu sobotu w tydźeniku Mitteilungsblatt, po słowje: "Sulerske ličby přichodnych lĕt k tomu dowjedu, zo hodźa so na teritorłju zarjadniskeho zwjazka wob lĕto tři 5. rjadownje a wot 6. lĕtnika sem jenož hišće dwĕ rjadowni wutworić. Z tutymi šulerskimi ličbami a pod wobkedźbowanjom postaje-njow Sakskeho šulskeho zakonja je nam wĕdome, zo njeje dalewobstaće mjenowanych třoch šulskich stejnišćow dlĕšodobnje možne." Z teje přičiny chcedźa wjesnjanosća, zo so gmejnske rady zwjazka "Při Klošterskej wodźe" wnajblišim času na nowy namjet wo syći serbskich srjedźnych šulow w Kamjenskim wokrjesu dojednaja. Při tym maja wjes-njanosća wotpohlad, zajimoweskupiny, kotrež "jenož dźĕle wobydlerstwa zastupuja", jako diskusijnych partnerow wuzamknyć. Kak daloko serbscy komunalni politikarjo Radu za serbske naležnosće, Domowinu a Serbske šulske towarstwo dale jako poradźowarjow wobhladuja, z wozjewjenja jasnje njewuchadźa. Po informacijach SN stajeja wjesnjanosća mjeztym chutnje Pančičansku kaž tež Ralbičansku srjedźnu šulu do prašenja.
Dokumentowane
Slĕdowacy dokumen t nastupajo serbske šulstwo bu zašłu sobotu w tydźeniku Mitteilungsblatt, wudaće Kamjenc - sewjer, serbsce wozjewjeny:
Stejnišća serbskich srjedźnych šulow
Na teritoriju sobustawskich gmejnow zarjadniskeho zwjazka "Při Klošterskej wodźe" wobstejachu dotal štyri srjedźne šule. Z koncom šulskeho lĕta 2002/2003 so Swobodny stat Sakska wjace na wudźeržowanju Serbskeje srjedźneje šule w Chrosćicach njewobdźĕli, po tym zo so tam hižo dwĕ lĕće žadyn 5. lĕtnik zarjadował njeje.
Po wopodstatnjenym planje šulskeje syće Kamjenskeho wokrjesa tna na cyłkownym teritoriju w přichodźe jedna srjedźna šula (we Worklecach) z dwĕmaj wotnožkomaj (w Pančicach-Kukowje a Ralbicach) wobstać.
Šulerske ličby přichcxlnych lĕt k tomu dowjedu, zo hodźa so na teritoriju zarjadniskeho zwjazka wob lĕto tři 5. rjadownje a wot 6. lĕtnika sem jenož hišće dwĕ rjadowni wutworić. Z tutymi šulerskimi ličbami a pod wobkedźbowanjom postajenjow Sakskeho šulskeho zakonja je nam wĕdome, zo njeje dalewobstaće mjenowanych třoch šulskich stejnišćow dlĕšodobnje možne. Šulerske ličby njedowoleja ani wuwiće profilowych poskitkow w šĕrokosći, kaž sej je šulerjo a starši přeja, ani dalewjedźenje zwonkašulskich kulturnych a dalšich poskitkow w dotal zwučenej kwaliće. To wšitko njespokpja wjetšinu šulerjow, staršich a wučerjow. Gmejny budu z tuteje přičiny přichodne tydźenje wo zmĕnje srjedźnošulskeje syće wospjet diskutkować a chcedźa spytać, so za teritorij zarjadniskeho zwjazka "Při Klošterskej wodźe" wzajomnje na trajnu srjedźnošulsku strukturu dojednać. Rozsudy twori w tutym nastupanju pjeć gmejnskich radow a pjeć čestnohamtskich wjesnjanostow. Jeničce woni su wot wobydlerstwa do politiskeje zamołwitosće woleni z nadawkom, wo naležnosćach gmejnow po wotwažowanju wšitkich argumentow rozsudźeć. Zapřimnjenje zwonkastejacych do šulskich naležnosćow gmejnow, kaž so to mjeztym hižo dwĕ lĕće dolho na jednostronske a emocionalne wašnje a přećiwo mĕnjenju wjetšiny wobydlerstwa stawa, so w přichodźe wjace njećerpi.
Zajimowe skupiny, kotrež jenož dźĕle wobydlerstwa bjez wobkedźbowanja woprawdźitych wobstejnosćow w našim teritoriju zastupuja a při tym sprawnje ke kompromisam zwolniwi njejsu, njewobhladujemy hižo jako diskusijnych partnerow.
Brycka,wjesnjanosta gmejny Chrosćicy; Brusk, wjesnjanosta gmejny Worklecy; Čornak, wjesnjanosta gmejny Njebjelčicy; Pjetaš, wjesnjanostagmejny Pančicy-Kukow; Ryćer, wjesnjanostagmejny Ralbicy; Ryćer, předsyda zarjadniskeho zwjazka.