Serbske Nowiny 21.08.2003

Tezy k rjadowanju serbskeho šulstwa

Pozbudźowace wothłosy

Drježdźany (SN/BD). Předstawy Domowiny Serbskeho šulskeho towarstwa a Rady za serbske naležnosće Sakskeje wo rjadowanju šulstwa w Serbach su wšitcy třo předsydźa frakcijow w Sakskim krajnym sejmje w zasadźe pozitiwnje přijimali. We wotmołwje na Jana Nuka, kiz bĕ wažnu naležnosć, sformulowanu do tezow (hlej SN 8. awgusta 2003, 3. str.) spočatk julija do Drježdźan posrĕdkował pisa předsyda CDU Fritz Hähle, zo budźe so knježaca frakcija w najwyšim ludowym zastupnistwje Sakskeje bjezposrĕdnie z prostwu wo nowelu wuwjedźenskich postajenjow za serbske šulstwo zabĕrać při tym može tajke jenož kultusowe ministerstwo wudać. "Sym přisłušny dźĕłowy wubĕrk 'Šula a sport' prosył, zo by naležnosć wobjednał", pisa Hähle w lisće, datowanym z 14. awgusta, Nukej. W mjenje frakcije PDS je Regina Schulz napřećo předsydźe Domowmy 17 julija pisomnje zwurazniła, zo "hižo nĕtko možemy rjec, zo dostanu Waše tezy našu podpěru". Demokratiscy socialisća w sejmje slubja, zo chcedźa za tutu pomoc "kmane parlamentariske kročele namakać. "Kaž w zašłosći podpĕramy tez w prichodźe wobsahowe naležnosće" rěka we wotmołwje Thomasa Jurka, předsydy frakcije SPD, na list šefa třesneho zwjazka Serbow (wotposłany 15.julija). Politikar wuzbĕhuje, zo možeja so sojaldemokraća połnje z tezami identifikować Zdobom Jurk dalšu nowelu šulskeho zakonja připowĕdźa, kotrehož naćisk chce SPD pjatk zjawnosći předpołožić (w interneće pod: www.gute-schule.mfo).

Telegram

Rozsud dale njejasny

Chrósćicy. "Ničo noweho" rĕkaše dźensa w bĕhu našeho redakciskeho časa na Domowinskim zarjedźe w Budyšinje, jako prašachmy so za rozsudom 5. komory Drježdźanskeho zarjadniskeho sudnistwa nastupajo spĕšnu skoržbu jednanja staršich a gmejny wo zachowanje Chrósčanskeje šule. Tuž starši dale njewĕdźa, hač posćelu póndźelu swoje dźĕći do Chrósćic abo do Ralbic do šule. Na naprašowanje Serbskich Nowin na mjenowanym sudnistwje zdźĕlichu, zo njeje do zažneho popołdnja k rozsudej došło.

Žana šansa za šulu w Chrósćicach

Drježdźany/Koln (SN/mm). Wčera wotmołwi ministerialny rada Wolfgang Dircke w sakskim kultusowym ministerstwje sobustawej prezidija Exil-P.E.N. kluba nĕmskorĕčnych krajow Hansej Lindemannej na jeho list k prašenjam zawrjenja serbskich šulow. Před třomi tydźenjemi bĕ zwjazk spisowaćelow, w kotrymž je tojšto sobustawow z wuchodoeuropskich krajow, kultusowe ministerstwo prosył, wo rozsudźe, hižo wjace hač sto lĕt wobstejacu šulu w Chrósćicach zawrĕć, hišće raz přemyslować. Ihrcke na to pisa, zo zakituje sakske kultusowe ministerstwo z widom na přichodne ličby šulerjow zawrjenje serbskeje srjedźnjeje šule w Chrósćicach ze zakončenjom šulskeho lĕta jako prawe. Šula so z přičinow "falowacych pjenjez abo ze złeje wole statneho knježerstwa njezawrĕje, ale na zakładźe dramatiskeho redukowanja šulerskich ličbow". Ihrcke pokaza zdobom na to, zo može so w jednotliwym padźe na serbskich zakładnych šulach tež rjadownja z mjenje hač dźesać šulerjemi wutworić. Skedźbnja pak hnydom na to, zo njeje to w padźe srjedźnych šulow možne, hdyž wobsteja w susodstwje přirunajomne šule. Tuchwilu so tež na nowym koncepće podawanja wučby w serbskej rĕči dźĕła.