Serbske Nowiny 30.07.2003

Naročny namjet wjesnjanosty Brycki

Chrósćicy (SN/BD). Na mĕstnje Chrósčanskeje serbskeje srjedźneje šule, kotraž ma so po woli sakskeho statneho knježerstwa a Kamjenskeho wokrjesneho sejmika, tola přećiwo wobzamknjenjam Domowiny a Rady za serbske naležnosće Sakskeje zawrĕć, mĕła so serbska rĕčna šula po prikładźe Minakałskeje wutworić. To wuchadźa z lista Maćija Brycki, Chrosćanskeho starosty, sakskemu statnemu ministrej dr. Matthiasej R6(51erej (CDU). Nawodny muž swojeje gmejny mĕni, zo bychu so w Chrosćicach přichodnje mohli kubłarjo pĕstowarnjow, hortow a zarjadnišćow dwurĕčneho regiona w serbskej rĕči a sorabistice wukmanjeć. Tohorunja mohli sej na tajkej "šuli w zelenym" šulerjo přiswojić wĕdu wo Serbach, štož wšak Sakski šulski zakoń kaza. Na tajkim alternatiwnym koncepće, tak Brycka, tuchwilu wChrosćicach dźĕłaja, hladajo na přibĕrace so formĕrowace protestne hibanje w zwisku ze zawrjenjom tamnišeje srjedźneje šule. Wjesnjanosta prosy ministra RoBlera kaž tež ministrow Mannsfelda, Rascha a Tilicha (wšitcy CDU) wo pjenježnu pomoc za naročne předewzaće.