Serbske Nowiny 16.07.2003

Polska Gazeta Wyborcza wo Chrósćicach

"Wutroba přestanje bić"

Waršawa (SN/MkWj). Proca Serbow wo zachowanje šule w Chrosćicach a wšitkich serbskich kubłanišćow je mjeztym tež we wukraju kedźbnosć wubudźiła. Tak piše najwuznamniši polski dźenik Gazeta Wyborcza jara wobšernje wo zawrjenju Chrósčanskeje srjedźneje šule a předewšĕm wo raznych emocionalnych wuskutkach na Serbow.

Berlinska korespondentka nowiny Anna Rubinowicz-Gründler rozprawješe w pondźelnym wudaću Gazety Wyborczeje, zo je Serbam zawrjenje šule narodna tragedija, mjeztym zo wobhladuja to druzy skerje jako administratiwny problem. Tež žurnalistka widźi strach, zo mohła so wuwić lawina, kotraž podrywa na koncu zbywace serbske šule.

Wobšĕrnje zhoni polski čitar wo demdgrafiskim połoženju Serbow a wo tym, zo su prawa Serbow na swoju rĕč a kulturu drje w sakskej wustawje zapisane, nic pak, kelko dźĕći može minimalnje we łužiskoserbskej rjadowni być.

Anna Rubinowicz-Gründler naspotnnja mjez druhim list Domowiny bamžej Janej Pawołej II. - kotryž wšak bĕ 1975 jako kardinał Chrosćicy wopytał - z prostwu wo pomoc, informujo čitarjow wo wobsahu lista.

Wobšĕrnje wĕnuje so spisarka přinoška psychologiskim wuskutkam zawrjenjašule. "Zawrĕće kubłanišća je Łužiskim Serbam šok, wšako su Chrosćicy wutroba serbskorĕčneho ruma. Tule so hiśće wšĕdny dźeń maćeršćina nałožuje", cituje awtorka Manuelu Smolinu, kotraž bĕ jej tež wo rozestajenjach wokolo swjatych křižow a wobrazow Hitlera w šuli za čas nacionalscializma rozprawjała, ale tež wo spjećowanjach dźĕći a starśich w NDR přećiwo młodźinskej swjećbje. Tutotnu wotrĕzkej swojeje rozprawy dawa žurnalistka nadpismo "Wutroba přestanje bić".

ZAPÓSŁANE

K přinoškej Alfonsa Ryćerja we wčerawšim wudaću Serbskich Nowin wupraja so Regina Šołćina z Konjec:

Słowo "hroženje", kotrež awtor na koncu swojeho přinoška prĕje, je z jeho předchadźacych slowow masiwnje wusłyšeć. By-li so předsyda Domowiny Jan Nuk wot swojich pjatkownych wuprajenjow distancował, kotrež dźĕchu wšĕm přitomnym wječor při božej mši a pozdźišo na šulskim dworje k wutrobje, by won dowĕru Serbow zhubił! Bohudźak rĕči J. Nuk "jeno" z jednym jazykom a nic kaž A. Ryćer, kotryž bĕ w Chrosćanskej "Jednoće" pred 600 ludźimi (hlej tehdy wobraz w SN) horco apelował za boj wo wšitke štyri serbske šule, lĕto pozdźišo pak w Drježdźanach z rićlizanjom Serbow předa. Štož zaiožbje přilubjene pjenjezy nastupa, stej založba a Domowina po mojim mĕnjenju dwaj wšelakej črijej. Runje tak je to z funkciju Domowinskeho předsydy, kiž je přeco hišće čestnohamtska a tak derje njepłaćena kaž na přikład job předsydy zarjadniskeho zwjazka. Na koncu tež A. Ryćerjej dobru radu: Štož sam w škleńčanej chĕžce sedźi, njedyrbjał radšo z kamjenjemi mjetać.