Serbske Nowiny 24.07.2003

Eksilny P.E.N. so z protestnym listom na sakski kultus wobroćił

Literaća přećiwo zawrjenju šule

Koln/Drježdźany (mm/SN). Po čĕskim spisowaćelskim klubje P.E.N. je nĕtko tež eksilny P.E.N. nĕmskorĕčnych krajow přećiwo zawrjenju Chrosčanskeje srjedźneje šule protestował. Hižo před lĕtomaj bĕ so zjednoćenstwo pisomnje na sakske kultusowe ministerstwo wobroćiło a swoje wobmyslenja w tutym prašenju přednjesło. Tehdy pak bĕchu po słowach čłona prezidija Hansa Lindemanna "dospołnje njespokojacu wotmołwu" dostali. W najnowšim lisće prosy Lindemann ministerstwo w mjenje prezidija, rozsud wo zawrjenju šule cofnyć. JSjeje zrozumliwe, zo zawrje so sto lĕt wobstejaca hornjoserbska šula, dokelž njedocpĕje so trĕbna ličba 20 šulerjow", w pismje rĕka. "Zo njedopušći sakske kultusowe ministerstwo pola rjadownjow mjeńšinoweje šule žanežkuli wuwzaća, je predewśĕm našim rumunskim čłonam njezrozumliwe", rjekny Lindemann dźensa medijam. "Kraj, kotryž pod režimom Ceaucesca ćerpješe a kiž je hišće dźensa štworty najchudši kraj Europy, dowola swojim mjeńšinam rjadownje z najmjenje sydom šulerjemi. Štož je w Rumunskej možno, dyrbjało tola w Sakskej z wjele wyšim žiwjenskim standardom samozrozumliwe być", wonmĕni.

Lindemann zwuraznja swoje zrozu-mjenje za to, zo su so Serbja w tutej naležnosći na bamža Jana Pawoła II. wobroćili. Do swojeho wuzwolenja na swjateho wotca před 30 lĕtami bĕ tehdyši Krakowski arcybiskop Karol Wojtyła Chrosćicy jako centrum katolskich Serbow wopytał. Tole bĕ samo tehdyša kubłanska ministerka Margot Honecker registrowała. Wona wuwiće w Chrosćicach wosebje wobkedźbowaše, dokelž mĕješe ateistiske kubłanje wtutej serbskej wsy za wohrožene: W šuli wisachu křiže na sćĕnach rjadownjow a Bože ćĕło njebĕ šula, byrnjež tole w NDR swjaty dźeń njebył, tak Lindemann. JVIaigctHaneckersejnjezwaži, zrosćenu serbsku šulsku syć zmĕnić."

Eksilnemu P.E.N.-klubej přisłuša wjace hač 130 spisowaćelow, mjez nimi monsignore Mĕrćin Salowski a Roža Domašcyna. Wzjednoćenstwjejetojšto publicistow, kotřiž su swoj kraj totalitarnych režimow dla wopušćili. Mjez nimi su Češa, Madźarojo a Rumunojo.

Telegram

Gmejna chce skoržić

Chrósćicy. Zastupnicy wubĕrkow Chrósčanskeje gmejny a dalši radźićeljo su so wčera k rozšĕrjenemu posedźenju gmejnskeho wubĕrka zešli. Jednohłosnje woni na krotkodobnje zwołanym posedźenju wobzamknychu, zo zapoda gmejna skoržbu přećiwo zdźĕlenju Drježdźanskeho kultusoweho ministerstwa, dotalnu podpĕru nastupajo financy a personal za Chrosčansku srjedźnu šulu cofnyć. Wuchadźišćo posedźenja bĕchu prĕnje zapodate skoržby staršich Chrosčanskich šulerjow přećiwo zawrjenju šule. Gmejna chce na tute wašnje zwuraznić, zo postupowanje staršich wuraznje podpĕruje, tak wjesnjanosta Maćij Brycka SN.