Serbski rozhłós - powěsće 19.08.2003

Zajim wulki

Wo protestach přečiwo zawrjenju Chrósčanskeje srjedźneje šule so tež w druhich krajach informuje. Najbóle wobkedźbuja jednanja w Čěskej a Pólskej. Tak rozprawjeja samo najwjetše nowiny wo problemje we Łužicy. Tež druhdźe budźa serbske prócowanja zajim – w južnej Awstralskej je towarstwo potomnikow Serbow započało pjenjezy k zdźerženju šule zběrać. A tež w Japanskej a Nižozemskej so wo Serbach rozprawja.

Pomoc z Rowneho

Towarstwo "Njepilec dwór", Rownjanska Domowinska skupina a dalše wjesne towarstwa su 50 eurow na Domowinske darowanske konto přepokazali. Z tutymi pjenjezami maja so skóržby staršich přećiwo zawrěću Chrósćanskeje šule podpěrować. W lisće Rownjanow rěka, zo dožiwichu kak spěšnje so jedna rěč ze zjawnosće zhubi a zo tohodla Witaj-projekt podpěruja.